Varris bohccuid namahusat

ruksesmiessi, miessi
1.dálvi: varrisčearpmat
2.dálvi: varit
3. dálvi: vuobiras, vuobirs, vuobis
4. dálvi: gottas, gottodas
5. dálvi: goaisttas
6. dálvi: máhkan
7. dálvi: nammaláhpat, nammaloahppa
heargi: Gáldejuvvon, dábmojuvvon varris boazu, mii geassá gerresa dahje reaga.
spáillit: Ovddit jagi gáldejuvvon varris boazu, mii ii leat dábmojuvvon.

Namahusat ivnni mielde

gabba = Českesivnnat boazu, mas leat vilges gaccat, vilges námit ja girječalmmit.
jievja = Vilges boazu, mas gaccat ja čalmmit leat čáhppadat.
čuoivvat = ránesivnnat dahje fiskesránesivnnat boazu
muzet = sevdnjesguolggat boazu
gálbbenjunni = vilgesnjunát boazu, sulastahttá gusa njuni.
biddojuolgi = Vilgesjuolggát boazu, dego das livčče vilges suohkut juolggis.
Lassin leat váldoivnniid seaguhusat, omd. girjejievja, muzetčuoivvat.

Njiŋŋálas bohccuid namahusat

ruksesmiessi, miessi
1.dálvi: (njiŋŋálas)čearpmat; Juos čearpmahis lea miessi, de dan namahus lea luohpet.
2.dálvi: vuonjal; Juos das lea miessi, de lea vuonjaláldu, juos ii leat miessi, de lea vuonjalrotnu.
rotnu = Ráves njiŋŋálas boazu, mas ii leat miessi.
stáinnat = Ráves njiŋŋálas boazu, mii ii sáhte oažžut miesi.
biipostáinnat = Dat viggá njuikkuhit ragatáigge eará njiŋŋálasaid.
čoavččis = Njiŋŋálas boazu, mii lea massán miesis ja ohkoladdá.
luohpet = Čearpmat mii guoddá jagi boarisin, lea luohpet.
luohppi = jagi boares čearpmaha miessi
juvdu, suohppá = Áldu mii hilgu miesis.