ÁLGOOAHPAHUS LOHKAMIS

Bustávvamuitinspealut
Muitinspealuiguin oahppi oahpásmuvvá davvisámegiela bustávaide. Oahpaheaddji sáhttá geavahit daid olles oahpahusjoavkkuin. Go buot bárat leat gávdnon, de bustávvakoarttat báhcet oidnosii nu, ahte oahpaheaddji sáhttá velá geardduhit bustávaid oahppiiguin.
Govaide čadnon sáni galgá diktit jávkat, ovdalgo deaddila ođđa gova. Ná speallu doaibmá bures, ja oahppi geargá lohkat maid sániid.
Bustávat 1: a, á, e, i, o, m, r ja u
Bustávat 2: b, d, f, g, j, l, n, s ja š
Bustávat 3: c, č, h, k, nj, p, t ja v
Bustávat 4: đ, dj, lj, ŋ, ŧ, z ja ž

Bustávvabihttáspealut
Bihttáspealuiguin sáhttá oahpahallat bustávaid suohttasis vugiin. Juohke oasis leat guhtta bustáva. Vuos galgá čohkket gova, dasto oažžu guldalit guđege bustávain álgi sániid. Bihttáspealu váttisvuođa sáhttá válljet.
Bustávat 1: a, á, r, i, m ja u
Bustávat 2: e, l, š, s, o ja n
Bustávat 3: b, d, g, c, č ja j
Bustávat 4: h, f, v, k, p ja t
Bustávat 5: đ, ŧ, ŋ, z ja ž

Láidestat lohkamii
Láidestat lohkamii-materiálain oahppi oahpásmuvvá bustávaide. Juohke bustávas leat addon valjis ovdamearkkat. Ovdal bargguide sirdašuvvama lea siidu, mas sáhttá hárjehallat bustávaid ja gullat, mo dat jietnaduvvojit. Vuosttas bargguin galgá gullat jietnadagaid riekta, nuppiin bargguin galgá gullat, mainna jietnadagain sánit álget. Sánit lohkkojit Badje-Deanu-Kárášjoga suopmana mielde.
Láidestat lohkamii-lohkanoahpahus heive buohkaide, guđet oahpahallet lohkat davvisámegiela.
Láidestat lohkamii

Oahpa lohkat
Juohke oasis leat valjis ovdamearkkat ja barggut. Ovdamearkkat leat lohkkojuvvon Badjedeanu-Kárášjoga suopmaniin. Lohkanoahpahus heive buohkaide, guđet oahpahallet lohkat davvisámegiela. Lohkanoahpahusa B-bargguin galgá čohkket sániid bustávain ja stávvaliin.
Lohkanoahpahusa materiála gánneha bargat álggos vuos olles oahpahusjoavkkuin. Dalle oahppit sáhttet maid veardádallat, mo sánit jietnaduvvojit sin guovllus.
Álgooahpahus lohkamis 1: Vokálat a, á, e, i, o ja u
Álgooahpahus lohkamis 2: Bustávat l, m, n, nj, r, s ja š
Álgooahpahus lohkamis 2B: Sáni čohkken bustávain ja stávvaliin
Álgooahpahus lohkamis 3: Bustávat b, d, g, c, č ja j
Álgooahpahus lohkamis 3B: Sáni čohkken bustávain ja stávvaliin
Álgooahpahus lohkamis 4: Bustávat f, h, v, k, p ja t
Lassin leat maid bustávat đ, ŋ, ŧ, z ja ž, mat leat dušše sáni siste.
Álgooahpahus lohkamis 4B: Sáni čohkken bustávain ja stávvaliin

Cealkagiid čohkken
Dáin bargguin galgá čohkket cealkagiid. Bargguin sáhttet leat maid liigesánit, mat váttásmahttet cealkaga čohkkema.
Cealkagiid čohkken