e-girji.net pohjoissaameksi suomeksi på norska på svenska
Banner
Banner
eÁppes, eGiellaoahppa ja eGiella-bargguid sáhttá bargat dušše dihtoriiguin. Dat gáibidit dihtorii Flash Player-prográmma. Ođđa Flash-teknihkain dahkkojuvvon barggut eai šat ráhkaduvvo.

eÁppes sisttisdoallá álgooahpahusa prográmmaid, main ulbmilin lea oahpahit mánáid ja eará berošteaddjiid lohkat ja čállit davvisámegiela. Álggos vuos oahpahuvvojit bustávat ja daid vástideaddji jietnagat, dasto jietnadagat goallostuvvojit stávvalin, sátnin ja cealkkan. Oahppi rolla oahppamis lea aktiiva. Son gártá gullama ja čállima vuođul dovdat bustávaid, stávvaliid ja sániid ja ovttastallat daid.

eGiellaoahppa-prográmmaiguin hárjehallojuvvojit davvisámegiela giellaoahpa guovddáš sajit, dego earet eará nomeniid ja vearbbaid sojahus. Giellaoahppabargguide gullet oahpahustávvalat, maid sáhttá printet. Dán oasis leat maid teavsttat, maiguin sáhttá riggudahttit giela.

eGiella-oasis gávnnat bargguid, mat eai gula eÁppesii dahje eGiellaohppii. Dáid bargguid ulbmilin lea maid giela riggudahttin.

Mobiilabargguid sáhttá bargat tableahtaiguin, telefovnnaiguin ja maid dihtoriiguin. Daid fáttát leat lohkanoahpahus, giellaoahppa ja giellariggudahttin. Mobiilabarggut bohtet oppa áigge lasi.

Mobiilabargguid ovdasiidui beassá dás.

Mobiilabargguid demoide beassá dás.