Luohkát 5-6

Riektačállin 1
Dáin bargguin hárjehallojit čuovvovaš áššit:
- h-bustáva čállin
- bustávaid c, č, š, z ja ž čállin
- vokálaid ja diftoŋggaid čállin

Riektačállin 2
Dáin bargguin galgá čállit sáni cealkagii. Teavsttat gieđahallet lottiid.

Dát barggut leat oaivvilduvvon vuosttažettiin olbmuide, geaid eatnigiella lea sámegiella. Bargguin leat sánit, mat leat lohkkojuvvon Badje-Deanu-Kárášjoga suopmaniin. Oahppi gánneha dadjat sániid iežas suopmana mielde, vai fuobmá jietnadeame ja čállima erohusa.

Sátneluohkát
Sátneluohkáid oahppama lassin oahpásmuvat maid 24 sámi cizážii. Cizážiid namahusat leat maid dáro- ja suomagillii.

Substantiivvat
Substantiivvat-digigirjjážis oahpahuvvo nomeniid juohku ja sojahus. Oahpat maid sierranamaid ja goallossániid birra. Dán digigirjjážis lea juohke ášši birra vuos oahpahusoassi sojahusminstariiguin ja dasto bohtet bargobihtát. Oahpat dovdat sadjehámiid(=kásusiid) ja sojahit buotlágan substantiivvaid.

Substantiivvat-digigirjjáš heive vuolleskuvlla 5. luohkás bajás.
Dán liŋkkas beasat Substantiivvat-bargguide.
Substantiivvat

Cealkkaoahppa
Cealkkaoahpas oahpat suokkardallat earálágan cealkagiid ja lađastallat cealkagiid. Oahpat dovdat earálágan cealkkalađđasiid. Lassin oahpásmuvat maid 60 sámi šaddui.

Vearbbaid preseansa ja imperfeakta
Vearbasojahusbargguin leat mielde oahpahusoasit, sojahanminstarat, ovdamearkkat, hárjehusat ja iskosat. Materiála lea oaivvilduvvon vuosttažettiin eatnigielagiidda 3. luohkás bajás, muhto dat heive maid oahppiide, geat lohket samegiela vierisgiellan dahje nubbin giellan. Bargguin leat valjis ovdamearkkat, mat leat jorgaluvvon maid suoma- ja dárogillii. Álo go oahppi sojaha vearbba, son oažžu oaidnit vearbba olles sojahanminstara.

Bárrastávval vearbbat
Bárahisstávval vearbbat
Geassásanvearbbat



Synonymat
Synonymabargguiguin sáhttá oahpahallat synonymaid sihke sániid nuortasuopmaniid ja oarjesuopmaniid mielde. Barggut heivejit maid oahppiide, geat lohket sámegiela vieris giellan. Synonymat ja eará sánit leat jorgaluvvon maid suoma- ja dárogillii..

Synonymat

Vearbbat 1
Vearbbat 1-digigirjjážis gieđahallá vearbbaid sojahusa ja geavahusa. Vearbbat sojahuvvojit preseanssas, imperfeavttas (preterihtas), perfeavttas ja pluskvamperfeavttas miehte- ja biehttalanhámiin.

Vearbbat 1-digigirjjáš heive vuolleskuvlla 5. luohkás bajás.

Dán liŋkkas beasat Vearbbat 1-bargguide.
Vearbbat 1


Lásse, Áilu ja mun

Liŋkkat Lásse, Áilu ja mun-bargguide:
Lásse, Áilu ja mun 1
Lásse, Áilu ja mun 2
Lásse, Áilu ja mun 3

Lásse, Áilu ja mun-bargguide gullet máŋggalágan teakstabarggut, main galgá ovdamearkka dihte válljet tekstii heivvolaš badječállosa, gávdnat sániide synonymaid sihke dievasmahttit cealkagiidda heivvolaš sániid.

Amas sánit leat čilgejuvvon sámegillii dahje jorgaluvvon suomagillii ja dárogillii. Amas sániide addojuvvojit maid synonymat. Ulbmil lea viiddidit ja riggudahttit oahppiid sátneráju ja giela.

Bargobihtáid teakstan geavahuvvo Lásse, Áilu ja mun-girji. Dat muitala Lásse birra, guhte čállá máinnasgirjji Áillu birra.

Lásse, Áilu ja mun-barggut leat oaivvilduvvon eatnigielagiidda ja geavahuvvot vuolleskuvlla 5. luohká rájes bajás.